1. Hyrje në Graphic Design dhe Integrimi i Programeve
Nisim rrugëtimin duke fol për dizajnin, ku e shohim në jetën e përditshme dhe pse ka rëndësi. Njoftohemi me njëri-tjetrin, ndajmë përvojat dhe integrojmë veglat që do na duhen gjatë gjithë kursit. Illustrator e Photoshop bëhen pjesë e rutinës që prej ditës së parë.
2. Tipografia, Ngjyrat dhe Hierarkia Vizuale
Kjo javë ka të bëjë me sy të mprehtë. Kupton si lëviz mendja e një shikuesi dhe si mund ta drejtojmë përmes tekstit, ngjyrave dhe renditjes. Në fund krijon një poster tëndin, të thjeshtë por me strukturë të menduar mirë.
3. Bazat e Illustrator-it: Veglat Kryesore dhe Forma
Fillon loja me format. Dorën e lirë e ushtron në vegla, duke krijuar forma që duken të thjeshta por kërkojnë kontroll. Kjo javë është për ndërtimin e sigurisë me programin – si të organizosh, të balancosh dhe të kuptosh hapësirën vizuale.
4. Illustrator i Avancuar: Poster Konceptual & Stil Personal
Krijimi i një posteri emocional bazuar në një ndjenjë ose fjalë personale. Studentët përdorin njohuritë e deritanishme për të shprehur vizualisht një emocion përmes formave, ngjyrave dhe tipografisë, duke filluar të zhvillojnë stilin e tyre personal.
5. Bazat e Photoshop: Imazh, Tekst dhe Efekte Vizuale
Përpunimi i imazhit dhe tekstit për krijimin e një posteri profesional me efekt vizual. Mëson si të manipulosh një imazh, të shtosh tekst, të krijosh atmosferë me efekte. Të gjitha bashkohen në një poster për një event fiktiv që duket profesional. Aftësi që t’i kërkon çdo klient.
6. Dizajnim Ikonash dhe Badge Personal
Krijimi i ikonave konsistente dhe badge personal për zhvillimin e identitetit vizual. Studentët mësojnë të stilizojnë forma të thjeshta me koherencë, duke ndërtuar seri ikonash dhe një simbol që i përfaqëson si dizajnerë.
7. Logo Design: Procesi i Plotë nga Ideja në Zbatim
Procesi i plotë i krijimit të logos nga ideja deri te zbatimi. Studentët mësojnë si të konceptojnë, skicojnë dhe zhvillojnë një logo për një brend fiktiv, duke u fokusuar në tipografi, strukturë dhe prezantim profesional.
8. Nga Logo në Brand: Branding, Ngjyra dhe Prezantimi
Zhvillimi i identitetit vizual bazuar në logon e krijuar, përmes përmirësimeve dhe aplikimeve reale. Studentët finalizojnë logon e tyre dhe krijojnë faqe promocionale me elemente të brand-it, të gatshme për t’u prezantuar në portfolio.
9. Social Media Design: Krijimi i Carousel-ave për Instagram
Rrjedhë, storytelling, 3-5 slides që kapin vëmendjen. Mëson si të bësh carousel që s’kalon pa u parë në Instagram. Zgjedh një temë që të pëlqen dhe e shndërron në një seri informative apo promovuese, gati për postim.
10. Projekt Final + AI në Dizajn
Nisja e projektit final me fokus në një temë personale dhe përdorimin e AI për ta zhvilluar më tej. Studentët zgjedhin një drejtim që i përfaqëson dhe kombinojnë aftësitë e fituara me mjete si ChatGPT, Firefly apo Midjourney për ide, referenca dhe prezantim.